منتدى أيامنا • مشاهدة الموضوع - الاميرة فوزية تعتلي عرش ايران بجنسيتها المصرية
      مرحبا بك عزيزي في منتدى أيامنا ، ندعوك إلى التسجيل في الموقع ، التسجيل مجاني و لن يأخذ من وقتك إلا دقائق قليلة . للتسجيل اضغط هنا
*    

الاميرة فوزية تعتلي عرش ايران بجنسيتها المصرية

جميع المواضيع التحليلية والفكرية التي تتحدث عن تاريخنا المجيد ومأثر امتنا العظيمة او التاريخ العالمي

المشرف: الهيئة الادارية

الاميرة فوزية تعتلي عرش ايران بجنسيتها المصرية

مشاركةالخميس سبتمبر 15, 2016 10:27 pm


قالك يا سيدى كان يا مكان فى عصر مصر الملكية كبرت أميرة ولا أميرات الحواديت، حاجة كدة مال إيه وجمال إيه وعز إيه، أميرة زى ما الكتاب بيقول، مش هزار أبدًا، مين دى يا ولاد صاحبة السمو الملكى الأميرة فوزية بنت فؤاد".جمال سبحان من صور، لدرجة أن تشرشل لما شافها قال: لقد رأيت إحدى حوريات ألف ليلة وليلة تسكن قصرًا أشبه بقصور الجنة، حسب ونسب، وبنت الملك فؤاد والملكة نازلى، وأخت الملك فاروق، وحفيدة الخديوى إسماعيل، وجدها الكبير محمد على باشا، البرنسيسة ميلقش على مقامها إلا أمير ابن أمير طبعًا، لا مش طبعًا مش أمير، ست الحسن والجمال يجلها إمبراطور، إمبراطور من بابه يتقدم لخطبة البرنسيسة، صاحب العظمة إمبراطور إيران شخصيًا وتُقام الأفراح وليالى الملاح فى المملكة المصرية والإمبراطورية الإيرانية، وتزف أجمل بنات العائلة العلوية لسيد عرش الطاووس وفى أفراح بيتكلموا عنها ليومنا هذا، المهم يخلص شهر العسل وتستعد الإمبراطورية لتتويج إمبراطورة جديدة لعرش الطاووس، حلو الكلام، لا مش حلو، قال يا سيدى واجهتهم مشكلة رفيعة، الأميرة فوزية مصرية الجنسية فهيتم منحها الجنسية الإيرانية قبل تتويجها، طب مهو كلام منطقى برضو"."قوم إيه تبعت الإمبراطورية الإيرانية للحكومة المصرية تستأذن فى منح الجنسية الإيرانية للأميرة فوزية، استنوا أنتوا لسة سمعتوا حاجة، قوم رئيس الوزراء يأخد الطلب الرسمى ويقدمه لجلالة الملك، قوم الخبر يوصل لمين لأم العروسة، الملكة تتشال وتتحط ويركبها ستين عفريت، ليه وليه قالوا بس أنه هيتم منح الجنسية الإيرانية لفوزية، وتقول جملتها الشهيرة: إزاى يتجرأ أى حد فى العالم على عرض منح جنسية أى بلد لواحدة مصرية الفخر الحقيقى ليهم أن الإمبراطورية تكون مصرية وتفضل مصرية"."وقالت إن العرض أصلًا فيه تطاول وتجاوز للحدود، وبالفعل تتوج صاحبة العظمة الإمبراطورة فوزية بنت فؤاد على عرش الطاووس، وهى مصرية لا تحمل أى جنسية أخرى بجانب جنسيتها الأصلية، شايفاك ياللى بتقول ده كيد حموات، لا يا حبيبى مش كيد حموات، ده غلو وغلاوة واعتزاز وافتخار بقيمة مصر، دول اللى كانوا ومازال الأغلبية بيبصولهم أنهم الأجانب اللى حكموا مصر، وبغض النظر بقى عن غرابة الفكرة، إلا أن اعتزازهم بمصريتهم ومصرية ولادهم حاجة كدة ينضرب بها المثل، أومال إحنا فين من ده، إحنا فين من الفخر ده، إحنا فين من القيمة والتتمين العالى ده لقيمة مصريتنا، مش لازم تكزن بلدنا فى أحسن حال عشان نفتخر بيها، ولا لازم تكون أحسن بلد فى الدنيا، العكس هو الصحيح، لما بتفتخر ببلدك وبقيمتها عندك وبجنسيتك بلدك بتغلى وتكبر وقيمتها بتكبر فى عين القريب قبل الغريب، صدقنى .

صورة
صورة
صورة
صورة
صورة
صورة
صورة
صورة العضو الشخصية
doaa khairalla
عنوان العطاء المتميز
عنوان العطاء المتميز
 
مشاركات: 4320
اشترك في:
الثلاثاء أكتوبر 22, 2013 9:04 pm
  

العودة إلى الموضوع التاريخي

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار