منتدى أيامنا • مشاهدة الموضوع - من أشعار أبوزهده الشاعر الزجلي المصري
      مرحبا بك عزيزي في منتدى أيامنا ، ندعوك إلى التسجيل في الموقع ، التسجيل مجاني و لن يأخذ من وقتك إلا دقائق قليلة . للتسجيل اضغط هنا
   

من أشعار أبوزهده الشاعر الزجلي المصري

نوادر شعرية منوعة

المشرف: الهيئة الادارية

Re: من أشعار أبوزهده الشاعر الزجلي المصري

مشاركةالثلاثاء يوليو 09, 2013 1:46 pm


قصيدة الحوار التلفزاوي للشاعر سيد أبو زهده


في الحوار التلفزاوي
جابوا خمسة محللين
قعّدوا اتنين عالشمال
حطوا غيرهم عاليمين
واللي عالم بالتوسط
وسطنوه في الناحيتين
والمذيعة مش ضليعة
غير في كشف الركبتين
في الحوار التلفزاوي


عمنا الوسطانى كان
قبل ساعة والمعد
جوة أوضة ، والبيبان
قفلوها وكان يعد
قاله: عايزك بهلوان
تبقى عفريت ، تبقى قرد
رد قاله: ماانت عارف....
شغلتي وانا أصلي حاوي
في الحوار التلفزاوي


لمبة ال ON AIRمُضاءة
كنترول لستوديو والع
لو تشوفه تقول خناقة
حد داخل ، حد طالع
حد شامم ، حد بالع
حد متعاطي البلاوي
في الحوار التلفزاوي


عد مخرجهم تلاتة
يعني : كله يكون تمام
فيه إشاره للتباتة
وفيه إشارة انسجام
غيته يولعها دايماً
من طفولته وهو غاوي
في الحوار التلفزاوي
بعد كام آآء آاءه
وكام أظن وربما
المذيعه المستفاقه
عنونت بالعولمه ....
قدمتهم للكلام
زي قعدات القهاوي
في الحوار التلفزاوي


اللي قاعد عالشمال
جنب صاحبه المحترم
كح واتنحنح ومال
ثم كشر وابتسم
ثم جاوب عن سؤال
من مشاهد ماركساوي
في الحوار التلفزاوي


قال صاحبنا : انا عايز اقول...
إحنا نفهم عندما
نفتح ابواب العقول....
بلا سفسطة أو طمطمة
لو هنرجع للأصول
نفهم العلة ونداوي
في الحوار التلفزاوي


اللي قاعد عاليمين
شكله كان سارق سريقة
لونه باهت حبتين
والعنين زايغة ودنيئة
حب ينطق كلمتين
كان عايزله حد راوي
في الحوار التلفزاوي


المشاهد مش معاند
بس عايز حد فاهم
قضَى ليله كان يجاهد
لجل مايفك الطلاسم
وانت يارب اللي عالم
قصد إعلامنا المناوي
في الحوار التلفزاوي


****************

المناوي : المناويء


flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالثلاثاء يوليو 09, 2013 1:48 pm


الصبح واضح مع الشاعر سيد أبو زهده


يا بلدنا الصبح واضح
بس فاضل خطوتين
نِلقىَ نور الشمس سارح
مالـُه سُور ولا ضفتين
زيْ نخل بخِيرُه طارح
ما يطلـُوه الطمّاعين
و انتي يَامُّ الشعب كافِح
رحلتـُه طالت سنين
إلفـَلاح ما يصيبُه فالِح
غير بعزم الشّغالين
و الفضا مـِلك الجوارح
مش جوانِح مَـقصَوصِين
تِبقِي في الصف اللي رابح
لو صُفـُوفِك مَرصُوصِين
يعني : ثورة ، مش مدابح!
أو شقايق مقسومين
مين يجازي؟ و مين يسامِح؟
و الشِمال أخت اليمين
ياللي خضَّرتي المطارح
مين أتى بالصحرا؟ مين؟!
السؤال كالرّد ، جارح
إفهموها يا طيّبين

flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالثلاثاء يوليو 09, 2013 1:49 pm


الجرذان يتصدى لهم سيد أبو زهده


الجرذان خايفين م القـُمقـُمْ
شـُوف! مع إن المارد غافي
فوبيا عجيبة ، ربِّي يسَلـِّمْ
من سَوْ الجرذان الخافي
خايفين لمَّا هيطلع ليهم
يعمِي عنيهم ، نـُورُه الطافي
شوف: مع إن المارد غافي

الجرذان بتحب الضلمة
بس "النور" كان إسم الله
مُنتسبين ، بالزُور ، للأمة
ولا حولَ إلا بالله
و اللي الغِلْ جليس ويَّاه
إزاي يلقى الخير و عوافي
شوف: مع إن المارد غافي

"ناصر" بُعـْبُعْ للخاينين
البايعين شرف الأجداد
"ناصر" كان عالوحدة أمين
و الخاينين عايزنها "آحاد"
و "الأوطان" خَلـُّوها "بلاد"
و ذنوبهم تِقـْلِتْ بكتافي
شوف: مع إن المارد غافي

الجرذان ماتحبش "ناصر"
منهم ، ناسي . ومنهم ، فاكر
كشفوا خلاص عالوجه السافر
ولا شئ ظاهر ، ولا شئ خافي
شوف: مع إن المارد غافي

flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالثلاثاء يوليو 09, 2013 1:52 pm


سلام على بغداد يهديه سيد أبو زهده


سلام على بغداد أم العِناد و اللـِّين
سلام على تكريت ، على صلاح الدين
على الفلوجة سلام دايم ليوم الدين
سلام كمان و سلام ، أهل العراق سالـْمين

سلام أيا بصرة تِجلي البصر و الروح
ما تشوفي يوم حسرة ، و الغم عنكي يروح
يا بصرة مِنتِصرة بجندك الميامين

سلام على الموصل ، سلام على أربيل
و الملوية طريق ، صُوب العُلا ، ماتميل
ملفوفة بالقناديل معراج تشوفُه العين

سلام أيا ميسان ، عند العمارة سلام
صدر النشامى أمان ، و الأمن مش أحلام
يا للا سوا لقدّام نِفرَّح الصابرين

سلام على النهرين راسمين علامة نصر
من قلبنا رافدين ، كما نيل بيجري بمصر
سلام مدينة الصدر ، و منهم الصالحين

سلام على العتبات ، على النجف لـَشرَف
و اللي جَهـَل كرامات ، هِناك أكيد يعرف
و الوعد ، لوْ أوقات ، قبل المعاد واصلين
يلقوا العراق سالم ، و الفرْح فيه فـَرْحين
سلام على بغداد أم العناد و اللـِّين


flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالأربعاء يوليو 10, 2013 10:38 am


لقاء سيد أبو زهدة مع سانتاكلوز


سنتاكلوز ليه مش فرحان ؟!
مابقاش يضحك زيْ زمان
جالنا بفرحة آخر مرّة
عَدَّى العام و رجـِع زعلان

قـُلت لـُه: نِعرَف إيه السِّـر ؟!
قاللي: الثورة مَحَلـَّك سِـرْ ،،،
و اللي بيفضَح و اللي يسِـرْ ،،
ضَيَّع وقتـُه و وقتي كمان

كنت بفَكـَّر هرجع تاني
ألقـَى نِضال الناس إنساني
عِلمي ان "الثائِر" مُتفاني
سِوا علماني أو إخوان

لما رجعت لاقيتها سويقة !
و الإعلام شعللها حريقة
و السَّـبُّوبة ! أحلى طريقة
من غير مصنع ولا دُكـّان

ناس شايفينها "تورتة" طريّة
و السّكـّينة أداه وطنيّة !
أصل الثورة وجبة هنيّة !
تملا المعدة و المُصران

سَلـَفـُه سَقاه المُّر سُلافة
جاب خِلافاته و قال : يا خلافة
و ازايّ "دولة" يا ناس تتعافى ؟،،
قبل الأنفس و الأبدان

قـُلت: يا سانتا ده انتَ معبّي !
سِـيب المِخلة و اقعد جنبي
يا للي كلامك عـَوَّر قلبي
صـَلـِّي معايا للأوطان


flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالأربعاء يوليو 10, 2013 10:41 am


غربان الخرايب يكشفهم أبو زهده


نِزلوا غِربان الخرايب
يخربوها ، ومااكتفوشو
بالنعيق ، جابوا المصايب
للوطن ونتفوا ريشه
فضوا أوكار الحبايب
من دفا الغرام وطيشه

الغراب شَكلـُه الجديد
يخدع الطير المسالم
مرَّة "واعظ" بالمُفيد
مرَّة "أخ" و مرَّة "عالم"
لابس الماسك السعيد
يخفي طمعُه في المغانم
زي غازي مخبي جيشُه

السنونو و البلابل
أصبحوا همَّ النشاز
و الحمام لفظ السنابل
و الترانيم العُزاز
لما في زمن المهازل
الغراب هوَّ اللي فاز
الطيور ازاي يعيشوا؟

flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالأربعاء يوليو 10, 2013 10:43 am


قص ولزق مع سيد أبو زهده


قـَصْ و لـَزق و لـَزق و قـَصْ
شِعر و فن رواية و قـَصْ
كـَتـَبَة ، أثـَرهم لما يوَلـُّوا ...
ما لهم أي أثر في القـَصْ

قـَعَد امبارح واحد منهم
و الإعلام لم يزهق منهم
أصل مواهِب أياً منهم
إنه ما يخرج ، يوم ، عالنص

جاب أقوال من جان جاك روسّو
قال: ميكافيللي ، و علـّى فـ حِسُّه
و الشعارات عالشاشة اترصّوا
امّا ، يا عيني ، داخ م الرَّصْ

يوم عالنت ، و يوم في الراديو
لمّا يخلَّص فضائيات
عايزين جِيلُه يتبع هَدْيُه
و يقلد كل الحركات
و الميديا المداميدو الماديو
مخصوصة عشان هوَّ أخصْ

بيحِب الأضواء من صُغرُه
إن شالله من ضيْ فانوس !
و اللعبة كِبرِت مع عُمرُه
و احلوِّت ، أضواء و فلوس
مع إن العيِّل زاد كِبرُه
ما رحَمش صباعُه من المَصْ

عُمرُك شُفت مبيَّض شاطِر
مِش عارف جِبسُه من الجـَصْ ؟
عُمرَك شُفت حلنجي يقامِر
أعمى العين ، مع إنهْ بَصْ ؟
عُمرَك شُـفت أديب أو شاعِـر
بَدَل الفِكره ، بإيده مقصْ ؟

flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالأربعاء يوليو 10, 2013 10:45 am


عن جمال عبد الناصر يحكي أبو زهده


حِفناية من طينة أرض البلد
عَملِت وَلد
واخد من النخلات عِناد الجِزع وسمَارُه
وسِـرّ التمر وحلاوته
شَدّوا له عُودُه، وانفرَد
والنيل عطاه من فضله أسرار العِناد...
وازاي يسير...
رغم المصاعِب والمتاعِب والعسير
مخلوق على المنبَع! وعايش في المصَب
يعني التعب مالهوش ميعاد
بس الصعيدي في البلاد...
شعاره: إيه هيهمني؟!
والعِند ساسُه...
وسط ناسُه...
أو بعيد
عَلـِّمُه النخل المُفيد
قالـُّه: إيّاك تنحني...
ولاّ اللسان يوم ينتني
بقى واد صعيدي للنخاع
عَز ناسُه، وعَزّني
وفي الصعيد، عند الولاد
إسمحولي أقولـّكوا...
التار: حياه وعيش وزاد
يعني الولد مندور لتارُه من الصِّغـَر
وقلبُه أليَن م الحجَر!
كإنه خزان الوداد...
والتحمُّل والضجر
ويقول على أجعص شنب:
واحد نفر!
يفتح براكين الغضب على شئ تفيه!
وعالصعيب، تشُوفه صابر
الماضي... حافظُه كـ "الصمَد"
والآتي... باصِر
أستاذ حياه؟
لأ، ده ناظر!
كل الصعايدة اتجمعوا في قلب ناصر

flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالأحد أغسطس 04, 2013 2:10 pm


وصف البلياتشو
للشاعر سيد أبو زهده



رجْـلـِيهْ طولي ، و نازل زَكْ
و بيطنـَطـَّطـْ طـَكْ طـَرَكْ
خـلـَّى الناس يضحكوا و يغنـُّوا
خـلـَّى الفـَرْحْ كإنه وَشَـكْ

البـِلياتشو فـ إيدُهْ مْفـَكْ
يُرْبُط بِيهْ الهوا لـَوْ فـَكْ
كانوا الناس قاعدين بِيْظـُنـُّوا
إنـُّهْ بِـيْفتـَح خازنِةْ بَنكْ

لمـّا تـْشُوفـُه بيضـْحـَكْ لـَكْ
تِسْمَعْ طير بـِيْقـُول لـَكْ لـَكْ
الكروان اتـْعَلـِّمْ مِنـُّه ،
و لاَّ الفضا بيفـَضـْفـَضْ لـَكْ ؟

يُومْها ضـْحِكنا هـَكْ هـَكْ هـَكْ
لمّا مَنـَحْنـَا الفـَرْحْ بْصـَكْ ،
ثـُمَّ جـِرِي من نـَّاس ، لـَ يْمِنـُّوا ،
عـَالكـوَالِيس و كإنـُّه اتـْشَكْ

قـَلـَعْ الـْماسْكْ بْغـَمْ مَسَـكْ
دَبْـ الـْحـُزن بْقـَلـْبـِي وْ دَكْ
لمّا لاقِيت الضـَّاحِكْ سِنـُّه ..
مَحْبَسْ دَمْعـُه بْقِوّة انـْفـَكْ

البـِلياتشو أكيد بلا شَكْ
حـَطـْ الـْهـَمْ بقلبُهْ وْ سَـكْ
قاعِد يبكي، شُوف! مع إنـُه ..
سَبَكْ الفرحة بأعجَبْ سَبْكْ !

حِلـْمْ دا كان بإديه وِ فـَرَكْ ؟
و لاَّ الحُزن اختارُه مَحَـكْ ؟
بيضـَحـَكنا ، الليل ، من فـَنـُّه ..
يـِضـْحـَى ضـُحَـاه و لا مرَّه ضـَحـَكْ !


flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

Re: من أشعار أبوزهده الشاعر الزجلي المصري

مشاركةالاثنين إبريل 14, 2014 2:20 pm


الـشِّـعـر قال كِـلـمِـتـُـه،
للشاعر الحبيب سيد أبو زهدة

الـشِّـعـر قال كِـلمتـيـن، مِن سـَـالِـف الأزمَـان
مَلعُـون أبُـو المأجورين، في كل حِـيـن وأوَان

الـشِّـعـر قال كِـلـمِـتـُـه، وكـتـَـبها عَـالتواريخ
يلعَـن عَـديم ذِمّـتــُه، ويـِـشَــبَّـعُه تــَوبـِـيـــــخ

الـشِّـعـر قال: ماانـْتـِـنِي، لامَعنى ولا بُـنيان
لا سِـيف بإيد هَزّنِي!، ولا دَهَب سُـلطـــان

الـشِّـعـر قال: يا وَطـَن، فـُك القيود يا أسِيـر
وانفـُض تـُرَاب العَفـَن، وانهَض وهِـمْ وسِير

الـشِّـعـر وَردَه وبارود، والشِّعر جَنـَّه ونار
قصايدُه تِشبـِه عهود، كـَـتـَبـِتها إيد أحرار

والشِّعر نـَبض الشوارع، والشِّعر حِـيط الحارات
والشِّعر بُكرة اللي طالِع، من وسط عتمة وسُكات

والشِّعر زيْ الأذان، والمَدنة زند الرجال
والشِّعر صوت الزمان، والشِّعر رَد السؤال
...........................
جريدة البلاد، أونتاريو-كندا، عدد أبريل 2014
flower
Do for Allah Allah Will Do for You
إفعل الصواب دائما، فهذا سيُغْضِب بعضهم، و سيثُير إعجاب بقيتهم
لؤي الصايم
flower
صورة العضو الشخصية
Loaie Al-Sayem
عضو الهيئة الادارية
عضو الهيئة الادارية
 
مشاركات: 5512
اشترك في:
الأحد فبراير 03, 2013 7:50 pm
مكان:
عربي الهوى مصري المُقَام
  

السابق

العودة إلى الشعر

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron